• ХАЯГ : Албан хаяг: Улаанбаатар хот, Баянгол дүүрэг, 20-р хороо, Дунд гол. Байрлах хаяг: "Улаанбаатар Менежмент - БУК" ХК байр 3-р давхарт ( гурвалжингийн гүүр даваад ДЦС-4рүү явах замд 1.5 км, 3- н давха
Товч танилцуулга
Менежертэй холбоо барих
Дагагчид
Танилцуулга
“УЛААНБААТАР МЕНЕЖМЕНТ” ХХК нь Монгол – Оросын хамтарсан хөрөнгө оруулалттайгаар 2000 онд гадаад дотоод худалдаа, импорт – экспортын үйл ажиллагаа эрхлэхээр байгуулагдаж ОХУ–аас бүх төрлийн төмөр хийц эдлэл, барилгын материал оруулан ирж дотоодын зах зээлийн хэрэгцээг ханган ажиллаж байна.  Өдгөө “Улаанбаатар Менежмент” ХХК нь энэ чиглэлийн үйл ажиллагаагаараа Монгол Улсдаа тэргүүлэх эгнээнд очиж хэрэглэгчдийн итгэл даасан, найдвартай, түргэн шуурхай үйлчилгээтэй түнш болоод байгаа билээ.

 Түүнчлэн компанийн бүрэлдэхүүн болох охин компани “Улаанбаатар - БҮК” ХК нь барилгын угсармал төмөр бетон эдлэлийн үйлдвэрлэл, барилгын ажил, худалдааг эрхэлдэг бөгөөд тус хоёр компани нь нэг газар байрлаж байгаа нь барилгын олон төрлийн үйлчилгээ ба ажлыг үйлчлүүлэгчиддээ нэг цэгээс хүргэх таатай нөхцлийг бүрдүүлж байна.
Мөн бид модон эдлэлийн үйлдвэртэй бөгөөд уг үйлдвэрлэлийнхээ хүрээнд дараахь үйл ажиллагааг явуулдаг.
 
 Үүнд:
- Мод хатаах үйлчилгээ;  
- Барилгын дотор, гадна засал чимэглэлийн модон хийц бэлтгэх;
- Дотор хаалга үйлдвэрлэх;  
- Пенополиуретан материалаар бүх төрлийн трубаны дулаалга хийх 
- Шүршдэг хөөсөөр бүх төрлийн дулаалганы үйлчилгээг хийн үйлчлэж байна. 
“Улаанбаатар Менежмент” ХХК нь дээрх үйл ажиллагааг эрхлэхээс гадна доорхи нэмэлт үйлчилгээг мөн үзүүлж байна:
- Үйлдвэрлэлийн түүхий эдийг нийлүүлэх, зуучлах;
- Гаалийн баталгаат агуулахад бараа хадгалах үйлчилгээ;
- Энгийн хүйтэн болон дулаан агуулахад бараа хадгалах үйлчилгээ
- Зуурмагын PUMP-ийн үйлчилгээг тус тус явуулж байна.
 
Компанийн төв офис ба агуулахын цогцолбор нь Улаанбаатар хотод байрладаг. Нийт  20 000 гаруй тонн төмөр хийц, 2 000 нэр төрлийн барилгын материал худалдаанд бэлэн байна.
 
Эрхэм зорилго :

”Улаанбаатар Менежмент” ХХК – ийн vйл ажиллагааг жолоодох эрхэм зорилгыг тодорхойлвол :

Улс орныхоо эрэлт хэрэгцээг мэдэрч, чанарын шаардлага хангасан төмөр хийц, барилгын материалыг зах зээлд нийлүүлэх, орчин үеийн худалдаа-үйлчилгээний чанар, стандартад нийцсэн ажил үйлчилгээг хэрэглэгч түншүүддээ хүргэх, Монгол улсын бүтээн байгуулалт, эдийн засгийн хөгжилд жинтэй хувь нэмэр оруулахад оршино.

Дээрхи зорилгыг хангаж ажиллахын тулд доорхи vндсэн зорилтуудыг эрхэмлэн ажиллах болно.
Зорилтот зах зээлийн онцлогт тохируулан маркетингийн vйл ажиллагааг зохион байгуулж, зах зээлд хэрэгцээтэй бараа бүтээгдэхүүнийг цаг тухайд нь нийлүүлэх зорилгоор сургалт судалгааны шинэ чиглэл барьж ажиллах; үйлчлүүлэгч иргэд болон барилгын компаниудтай улам дөхөм ажиллахын тулд барилгын томоохон үзэсгэлэн худалдаануудад байнга оролцох зэрэг болно.
 
Мөн түүнчлэн зорилгыг хангаж ажиллахын тулд дараахь vндсэн зарчмыг vйл ажиллагаандаа эрхэмлэнэ :
 
Хэрэглэгчээ дээдлэх Худалдаа үйлчилгээ, судалгааны ажлыг vйлчлvvлэгч, захиалагчийн эрэлт хэрэгцээ, сонголтод нийцvvлэн явуулах Бүтээлч уур амьсгал төлөвшүүлэх Удирдах ажилтанууд, бусад ажилтнууд өдөр тутмын үйл ажиллагаагаа явуулах, асуудал шийдвэрлэх зэрэг vйлсэд оролцох, багаар хамтран ажиллах нөхцлийг хангах;
Байгууллагын хөгжлийг тэтгэсэн ажиллагчдын санал, санаачилгыг дэмжих
Үйл ажиллагаа үр ашигтай байх Байгууллагын vндсэн чиг vvргийг хэрэгжvvлэхэд нөөцийг оновчтой байршуулж, удирдах
Сүүлийн жилүүдэд хот бүтээн байгуулалт ба барилга угсралтын ажил эрчимтэй явагдаж байгаа учир тус компанийн борлуулж буй бүтээгдэхүүнийг барилга, зам гүүр, уул уурхай, монголын төмөр зам, төмрийн үйлдвэр, эрчим хүчний томоохон компаниуд байнга худалдан авахын сацуу энгийн иргэд ч худалдаж авах нь бидэнд таатай байгаа бөгөөд цаашид үйлчлүүлэгчдийн цар хүрээ, үйлчилгээний төрлийг тэлж улс орны хөгжилд хувь нэмрээ оруулсаар байх болно.
 
 “Улаанбаатар Менежмент” ХХК-ийн шагнал өргөмжлөлөөс дурьдвал:

-  2003, 2004 оны “Хэрэглэгчдийн найдвартай түнш байгууллага”;
- МҮХАҮТ ба МУЗГазраас хамтран зохион байгуулдаг “ТОП-100”-н аж ахуйн нэгжээр 2004 - 2012  онуудад шалгарсан;
- “Нийслэлийн найдвартай татвар төлөгч байгууллага”-аар жил бүр шалгарсаар ирсэн;
-  2005 – 2007 оны “Үндэсний шилдэг импортлогч компани” өргөмжлөл /Барилга, хот байгуулалтын Яам/;
-  2008 он - “Нийгмийн даатгалын итгэлтэй түнш” хүндэт өргөмжлөл;
-  2006 оноос өнөөг хүртэл ОХУ – ын дээврийн болон ус тусгаарлагч материалын үйлдвэрлэл эрхэлдэг ТЕХНОНИКОЛЬ компаний албан ёсны төлөөлөгч;
-  2004 оноос өнөөг хүртэл дэлхийн хамгийн том төмөр хийц үйлдвэрлэгч 15 компанийн нэг болох ОХУ – ын “Евраз Холдинг” компанийн албан ёсны төлөөлөгчөөр тус тус өргөмжлөгдөөд байна.
Дэлгэрэнгүй

Видео мэдээлэл